الجزء الأول:

1- لو معاك/ معاكي هاتف نوع سامسونج:
• موبايلات السامسونج الحديثة فيها خاصية اسمها المجلد الآمن “Secure Folder”، الخاصية دي بتسمح للمستخدم بتخزين صور، ڤيديوهات، ملفات وتطبيقات في مساحة منفصلة من الجهاز بعيدة عن مساحة المستخدم الافتراضية، الفيديو ده يوضح خطوات تفعيل هذه الخاصية:
• بعد تفعيل الخاصية ادخل جوه المجلد الآمن وحملوا وشغلوا البرامج إلي أنت محتاج تأمنها ومنها برنامج الفيس بوك وتويتر والواتس اب.
• احذف برامج الفيس بوك وتويتر والواتس اب من مساحة المستخدم الافتراضية، وخليها دائما بداخل المجلد الآمن وقم باستخدامها من داخل المجلد الآمن.
• حرك كل ملفاتك المهمة من المساحة الافتراضية إلى للمجلد الآمن، وخاصة الصور وملڤات الڤيديو والتسجيلات الصوتية.
• بعد ذلك قم بحذف أيقونة المجلد الآمن من الشاشة الرئيسية، ده ڤيديو بيوضح ازاي تفعل الخاصية:

باالنسبة الناس اللي موبايلاتها مش بتدعم خاصية ال ” Secure Folder”، ممكن تكون موبايلاتها بتدعم خاصية ثانية وهي ال “Private Mode” الخاصية ده لا تسمح بإخفاء التطبيقات زي الخاصية الأولى لكن بتسمح بالاحتفاظ بالملفات بشكل خفي وهاتساعد في اخفاء الملفات اللي بتولدها التطبيقات دي (Gallery, Music, Voice recorder, My Files) الخاصية دي مفيدة للمحامين الحقوقيين وللناس اللي بتسجل أو بتصور في الشارع.

** مهم جداً أنكم تشيلوا تطبيق الفيس بوك مع اتباع الخطوات المنصوص عليها تحت (الخاصة بالناس اللي مش معاها موبايلات سامسونج أو هواوي) للدخول على حسابكم عن طريق المتصفح، معلومات أكثر عن الخاصية دي هنا:
وده ڤيديو بيوضح إزاي تفعل الخاصية:

……………………………………………………………………………………………

٢- لو معاك/معاكي هاتف نوع هواوي:

موبايلات هواوي الحديثة فيها خاصية اسمها المساحة الخاصة “Private Space”، المساحة الخاصة هي خاصية مشابهة لخاصية المجلد الآمن في السامسونج وبتسمح للمستخدم بإنشاء مساحة معزولة يمكنه فيها تنصيب وتخزين مجموعة من التطبيقات والملفات إلخ، التطبيقات والملفات اللي بتخزنها في المساحة دي مش بتظهر في الشاشة الرئيسية “Default Home Screen”، خد بالك:

• مهم جداً أنه عند تفعيل الخاصية دي يتم اختيار كلمة سر و/أو رمز فتح للموبايل مختلف تماماً عن كلمة السر/رمز الفتح الخاص بالشاشة الرئيسية، ليه؟
لأن الخاصية دي بعد تفعيلها بتدخل عليها مباشرة من شاشة قفل الموبايل وده شيئ جيد لأن لو الموبايل مغلق وحاولت تفتحة بكلمة السر العادية هاتدخل على المساحة اللي مافيهاش تطبيقات ولا ملفات مهمة. أما لو فتحته بكلمة السر/الرمز الخاص هتدخل على المساحة المحمية، وده ڤيديو بيوضح إزاي تفعلوا الخاصية:

……………………………………………………………………………………………

٣- لو معاك هاتف نوع آخر غير نوع هواتف سامسونج وهواوي، نرجوا اتباع الخطوات التالية:
• أحذف برنامج فيس بوك من على موبايلك.
• قم بتحميل متصفح نوع “Firefox Focus” من متجر جوجل بلاي.
• على الهاتف المحمول، استخدم نافذة متصفح مخفية (ذات خصوصية) للدخول لحساب الفيس بوك الخاص بك. الخطوة دي مهمة علشان فيس بوك يتحقق من دخولك لحسابك عن طريق المتصفح “Incognito Browser Window”.
• قد تحتاج تأكد لموقع الفيس بوك أن محاولة الدخول للحساب حقيقية وسليمة، الخطوة ده ستسهل دخولك للحساب عن طريق المتصفح لاحقاً.
• تأكد دائماً من إغلاق نافذة المتصفح وأنت في الشارع و/أو عند عدم الحاجة لها، ننصح باستخدام متصفح نوع “Firefox Focus”.
• يتميز متصفح نوع “Firefox Focus” بانه لايحتفظ ببيانات الدخول.
• في حالة استخدام أي متصفح آخر تأكد من استخدام نافذة التصفح الخفي، ولاتسمح للمتصفح بحفظ كلمة السر للحساب، بمعنى آخر: لازم يتم ادخال كلمة السر يدوياً في كل مرة تدخلوا فيها حساباتكم، وده ڤيديو بيوضح كيفية استخدام نوافذ المتصفح ذات الخصوصية:

……………………………………………………………………………………………

الجزء الثاني:

هذه طريقة أخري تصلح للتعامل مع كل الهواتف الأندرويد، وهي كالتالي:

قم بتحميل التطبيق “APK Editor” :

وده فيديو لشرح التطبيق:

بعد ما تنزل التطبيق وتسمع الشرح إلي في الفيديو، هتنزل صورة لألعاب الموبيل “icon” بس لازم تكون بامتداد “png.”، ثم بتختار التطبيق الي انت عاوز تغير شكله اسمه وفق اسم اللعبة الي انت عاوزها والايكون إلي بترمز ليها.

وقم بوضع هذه التطبيقات في ال “Kids mode”، وده نفس فكرة ال “secure folder” بس فيه ألعاب للأطفال وتقدر تضيف ليه التطبيقات اللي أنت عايزها، وده طريقة أفضل وأكثر أمانا.

……………………………………………………………………………………………

الجزء الثالث:

يوجد برامج لإحفاء الملفات، برنامج منهم بيكون في صورة آلة حاسبة تستطيع اخفاء بداخله ملفاتك، والملفات لاتظهر إلا لو قمت بإدخال رقم معين أنت محدده على الآلة، رابط للتطبيق:

……………………………………………………………………………………………

الجزء الرابع:

في حالة خشيتك من اختفائك قسريا بعد اعتقالك وتريد ان تعرف أسرتك مكان احتجازك، قم بتفعيل الخطوات التالية:

1- قم بتفعيل خاصية تحديد الموقع “Location” في هاتفك الأندرويد، ثم اتبع الخطوات التالية:

* قم بتفعيل خاصية “Find my mobile” المرتبطة بخدمة بريد الجيميل “Gmail”.
* قم بترك بريدك الإلكتروني “Email” و الباسورد “Password” مع أحد أفراد أسرتك.

في حال اعتقالك يمكن لأفراد أسرتك الدخول على بريدك الإلكتروني “Gmail” وتفعيل خاصية ايجاد الهاتف وتحديد موقعه، وسيظهر لهم آخر مكان تواجد فيه الهاتف وهو متصل بالأنترنت.

يوجد ميزة أخرى هنا وهي أن أسرتك تستطيع عبر بريد ال Gmail أن تمسح جميع بيانات هاتفك المحمول.

في حالة عدم قدرة الأهل على تحديد، الموقع بعد اتباع الخطوات السابقة، يرجى ان يتواصلوا مع فريق “نحن نسجل” عبر الرسائل الخاصة.

** للهواتف الأيفون يمكنكم مراجعة الرابط التالي:

** ملحوظة هامة: يجب أن تقوم بانشاء حساب فيسبوك لايوجد عليه سوى أخبار رياضية وغيرها ليس لها أي علاقة بالسياسة، بحيث إذا تم توقيفك لايجدوا على الهاتف سوى هذا الحساب.

للمزيد: تابعونا عبر صفحتي الفسيبوك وتويتر (WerecordAR@)، وعبر تطبيق التليجرام (we_record@).

#نحن_نسجل